Dyson Airwrap hefur fest sig í sessi sem eitt vinsælasta hármótunartækið á markaðnum og er ofarlega á óskalistum þeirra sem vilja einfalda en jafnframt faglega hármótun heima við. Það sem gerir Airwrap eftirsóknarverðan er hversu notendavænt og fjölhæft tækið er. Með einum grunni og mismunandi aukahlutum er hægt að þurrka, slétta og móta hárið á einfaldan og þægilegan hátt, án þess að nota mikinn hita.

Helstu eiginleikar

Með 1300W afli býður Dyson Airwrap upp á fjölbreytta stillingarmöguleika þar sem áhersla er lögð á að móta hárið með loftflæði fremur en miklum hita. Þetta hjálpar til við að vernda hárið gegn hitaskemmdum og viðhalda heilbrigðri áferð þess.

Coanda-áhrif

Tækið nýtir svokölluð Coanda-áhrif, þar sem öflugt loftflæði dregur hárið sjálfkrafa að og vefur það utan um Airwrap-keiluna. Þetta gerir hármótun bæði auðveldari og jafnari og hjálpar til við að skapa náttúrulegt útlit án þess að toga í hárið eða beita miklum hita.

I.D Curl stilling

Með I.D. Curl stillingunni getur tækið stillt loftflæði og hita í samræmi við hárgerð og óskir notandans. Þetta einfaldar hármótun til muna og gerir auðvelt að ná samræmdri útkomu, jafnvel þegar tíminn er naumur eða þú vilt hraðari stílingu án þess að fórna gæðum.

Af hverju er mikilvægt að þrífa Dyson Airwrap reglulega?

Það er mælt sérstaklega með reglulegum þrifum á Dyson Airwrap til þess að viðhalda bestu mögulega frammistöðu tækisins. Með tímanum geta safnast hár, ryk og hárvöruleifar, til dæmis hitavörn eða hársprey, í síum og loftopum, en það getur truflað loftflæðið sem tækið byggir á.

Ef hármótunartækið er ekki þrifið reglulega getur það leitt til:

• lakari loftstreymis og verri árangurs við mótun
• ójafns hita og minni stjórnunar
• ofhitnunar sem getur valdið því að tækið slökkvi sjálfkrafa á sér
• styttri líftíma tækisins

Með reglulegu viðhaldi heldur Airwrap frammistöðu sinni og skilar bestu mögulegri útkomunni fyrir hárið.

Þrif á síu

Síuhreinsun er mikilvægur þáttur í viðhaldi Dyson Airwrap. Ráðlagt er að slökkva á tækinu og taka það úr sambandi, fjarlægja síubúrið (e. filter cage) neðst á handfanginu og nota hreinsibursta sem fylgir tækinu til að losa ryk og óhreinindi. Að því loknu er mælt með að skola síubúrið með volgu vatni og leyfa því að þorna alveg áður en það er sett aftur á.

Hér má sjá skref fyrir skref hvernig þetta er gert.

@elko.is

Ert þú nokkuð að gleyma því að þrífa ryksíuna á Dyson græjunni þinni? #ELKO #tipsandtricks #vissirþú #dyson

♬ original sound – ELKO – ELKO

Þrif á fylgihlutum

Það fylgja ex aukahlutir með Dyson Airwrap, en það er einnig mælt með að þrífa þá reglulega. Með tímanum geta safnast hár og hárvöruleifar í aukahlutunum sem getur haft áhrif á hreinlæti og frammistöðu tækisins.

Það er mikilvægt að leyfa tækinu að kólna alveg áður en það er þrifið. Fjarlægðu hár úr aukahlutunum og notaðu rakan klút til að þrífa yfirborðið. Gættu þess að allir aukahlutir séu alveg þurrir áður en þeir eru notaðir aftur.

Hér má sjá skref fyrir skref hvernig þetta er gert.

Lítil fyrirhöfn sem skilar sér til lengri tíma

Dyson Airwrap er öflugt og vandað tæki sem er hannað til að endast, en eins og með öll raftæki skiptir viðhald máli. Með því að sinna einföldum þrifum reglulega tryggir þú að tækið skili sem bestum árangri, haldi frammistöðu sinni og virki áreiðanlega til lengri tíma.