Ferðahleðslur hafa orðið ómissandi fylgihlutur fyrir þá sem ferðast mikið eða eru stöðugt á ferðinni. Þær veita okkur nauðsynlega orku til að halda tækjunum okkar gangandi þegar við erum langt frá næstu innstungu.

Hins vegar er mikilvægt að muna að þessir litlu hleðslubankar geyma öfluga rafhlöður sem krefjast varúðar og réttrar meðferðar til að tryggja öryggi bæði okkar og þeirra sem eru í kringum okkur. 

---

Rafhlaða

Rafhlöður, hvort sem þær eru í ferðahleðslubönkum, símum eða öðrum raftækjum, innihalda efnasambönd sem geta orðið óstöðug ef þau eru ekki meðhöndluð rétt. Þótt slysin séu sjaldgæf, geta þau verið alvarleg og valdið eldi eða sprengingu ef þau koma fyrir.

Með réttri meðhöndlun er þó auðvelt að forðast slíkar hættur. Rétt meðferð getur einnig lengt líftíma ferðahleðslubankans. 

Til að tryggja öryggi og viðhalda virkni ferðahleðslubanka er mikilvægt að fylgja nokkrum einföldum leiðbeiningum sem tryggja bæði öryggi og áreiðanleika.

Hér að neðan eru nokkur góð ráð sem vert er að hafa í huga þegar þú ert að nota eða geyma ferðahleðslubanka. 

Góð ráð fyrir örugga meðhöndlun á ferðahleðslum

1. Forðastu að hlaða í miklum hita eða kulda:

• Rafhlöður eru viðkvæmar fyrir öfgafullum hitastigum. Reyndu að halda ferðahleðslubankanum á stað þar sem hitastigið er í kringum herbergishita (20-25°C). Of mikill hiti getur leitt til ofhitnunar og jafnvel eldsvoða, á meðan mikill kuldi getur dregið úr hleðslugetu rafhlöðunnar og valdið skemmdum á henni. Góð regla er að geyma hleðslubanka ávalt á þurrum stað með jöfnu hitastigi og halda honum frá öllum raka.    

2. Ekki ofhlaða tækið

• Flestir nútíma ferðahleðslubankar eru búnir sjálfvirkni sem stöðvar hleðslu þegar tækið er fullhlaðið. Engu að síður er gott að taka tækið úr sambandi þegar það hefur náð 100% hleðslu. Þetta getur dregið úr álagi á rafhlöðuna og lengt líftíma hennar. Þegar þú hleður ferðahleðslubankann skaltu tryggja að hann sé ekki staðsettur of nærri öðrum raftækjum í hleðslu. Of mörg tæki hlaðin á sama stað geta valdið ofhitnun, sem getur leitt til hættu á eldi. Passaðu að hleðslubankinn hafi nægt rými til að loftflæði sé gott í kringum hann meðan á hleðslu stendur. 

3. Geymdu ferðahleðslubankann á öruggum stað

• Geymdu ferðahleðslubankann á öruggum stað: Forðastu að geyma ferðahleðslubankann í vösum eða töskum þar sem hann gæti orðið fyrir höggum eða miklum þrýsting. Slík skemmd getur leitt til styttri endingartíma eða, í verstu tilfellum, til þess að rafhlaðan verður óstöðug. 

4. Notaðu aðeins upprunalegar snúrur og hleðslutæki

• Þótt það geti verið freistandi að nota ódýrari valkosti, þá er alltaf öruggast að nota þær snúrur og þau hleðslutæki sem framleiðandinn mælir með. Ósamrýmanlegir fylgihlutir geta valdið óstöðugri hleðslu eða skemmdum á ferðahleðslubankanum. 

5. Farðu varlega með ferðahleðslubankann á flugvöllum

• Þar sem ferðahleðslubankar innihalda rafhlöður, þá eru strangar reglur um flutning þeirra í loftförum. Vertu viss um að þú vitir hvaða reglur gilda áður en þú ferð í flug. Oftast er skylda að hafa ferðahleðslubanka í handfarangri og bannað að geyma þá í innritaða farangrinum. 

6. Athugaðu ferðahleðslubankann reglulega

• Athugaðu ferðahleðslubankann reglulega: Ef þú tekur eftir einhverjum skemmdum, bólgum eða aflögunum á ferðahleðslubankanum, skaltu hætta að nota hann strax og losa þig við hann á öruggan hátt. Slíkar skemmdir geta verið vísbending um innri vandamál sem gætu verið hættuleg. Ef þú finnur fyrir óeðlilegri hitamyndun, lykt eða reyk, skaltu taka ferðahleðslubankann úr sambandi strax og hætta að nota hann. 

---

Með því að fylgja þessum ráðum getur þú notað ferðahleðslubankann þinn á öruggan hátt og tryggt að hann veiti þér þá orku sem þú þarft, þegar þú þarft á henni að halda. Öryggi er alltaf forgangsatriði, svo sjáðu til þess að tækin þín fái þá meðhöndlun sem þau þurfa.

Smelltu hér til að skoða ferðahleðslur á elko.is.