Lélegt samband getur haft ótrúlega víðtæk áhrif á lífið. Það er vel þekkt að fólk missi gjörsamlega kúlið þegar netið er lélegt og taki pirringinn út á öðrum fjölskyldumeðlimum. Í nútíma samfélagi bætist ört í snjalltækasafn heimilisins og því getur verið nauðsynlegt að huga að nettengingunni hjá sér. Hér eru 5 einföld ráð sem geta bætt sambandið til muna.

1. Byrjaðu að spara

Þú getur yfirleitt fengið leigðan netbeini hjá netþjónustufyrirtækinu þínu gegn gjaldi, sem getur verið einföld og þægileg lausn fyrir suma. Aðrir kjósa að kaupa sinn eigin netbeini, þar sem mánaðarleg leiga fellur þá niður og mögulegt er að spara peninga til lengri tíma. Með eigin netbeini gefst jafnframt tækifæri til að velja netbúnað sem hentar betur að stærð heimilis, fjölda tengdra tækja og notkun, hvort sem áherslan er á hraða, drægni eða stöðugt netsamband. Það er engin skylda að leigja netbeina af fyrirtækinu sem þú ert í internetviðskiptum við. Kíktu til okkar og skoðaðu úrvalið.

2. Betri tenging um allt hús

Hraðara og stöðugra net getur skipt miklu máli þegar mörg tæki eru í notkun samtímis. Með því að velja netbeini sem passar við stærð heimilisins og notkun tryggirðu betri tengingu. Ekki má gleyma að tækninni fleytir áfram og nýrri netbeinar bjóða upp á fleiri möguleika og meiri hraða en þeir eldri.

Fyrir stærri heimili eða hús á fleiri en einni hæð getur mesh-kerfi verið góð lausn, þar sem netið dreifist jafnt um allt hús og nær í alla króka og kima. Einnig eru fáanlegir endurvarpar, sem framlengja WiFi merkið. Vantar þig betra samband í bústaðnum? Til eru sérhæfðir netbeinar sem henta vel í sumarbústöðum eða í ferðalagi. Slík tæki nýta 4G eða 5G farsímanetið og geta veitt hraðvirkt og stöðugt internet án þess að tengjast ljósleiðara eða DSL-línu.

3. Hratt net í öll tækin

Hversu mörg nettengd tæki eru á heimilinu? Mundu að telja með snjallsíma, tölvur, leikjatölvur, snjallsjónvörp, Apple TV, snjallperur, snjallhátalara og allar aðrar snjallar vörur á heimilinu. Hellingur ekki satt? Ekki allir netbeinar eru eins og mismunandi hversu mörgum tækjum þeir geta tengst með góðu móti. Með nýjum og betri netbeini færðu meiri hraða á stöðugri tengingu við fleiri tæki og getur jafnvel forgangsraðað hraða milli tækja. Kíktu í heimsókn og fáðu ráðgjöf um hvaða netbeinir hentar þínu heimili best hjá sölumönnum okkar.

4. Góð barnapía

Viltu geta sett barnalæsingu á internetið? Stjórna hvaða vefsíður barnið þitt má fara inná? Takmarka netnotkun með tímastillingu? Á internetinu má finna margt gott og gagnlegt fyrir alla aldurshópa en líka hluti sem maður vill ekki að börnin séu að sjá. Með góðum netbeini er einfalt að stýra netnotkun og loka á það sem er óæskilegt fyrir börn hvort sem er á öllum tækjum heimilisin eða einungis á tækjunum sem barnið er að nota. Smelltu hér til að skoða heimasíðu Netvísi sem er meðal annars með verkfærakistu foreldra. 

5. Taktu stjórnina

Þú getur tekið fulla stjórn á netinu heima hjá þér forgangsraðað hraðanum, fengið öflugri tengingu, stjórnað því hvað börnin eru að gera og jafnvel sparað pening í leiðinni. Ef þú vilt hafa val um að stjórna þessum þáttum og fleirum þá mælum við með netbeini frá ELKO.

Smelltu hér til að skoða úrval af netbúnaði á elko.is.