Allir helstu sameiginlegu snertifletir eins og sýningareintök, númerakerfi, posar og þess háttar eru þrifnir á um það bil klukkustundarfresti.

Við biðjum viðskiptavini um að nýta sér handspritt sem er við inngang verslana og víða annarsstaðar inni í verslunum. Einnig minnum við viðskiptavini á tilmæli Almannavarna um að reyna eftir fremsta megni að halda 2 metra fjarlægð frá næsta manni.   Að öðru leiti vísum við í almennar leiðbeiningar Almannavarna og Sóttvarnarlæknis: Þvoðu hendur þínar reglulega með vatni og sápu, minnst 20 sekúndur í hvert skipti, en ef þú ert ekki með vatn eða sápu nálægt er gott að nota handspritt, til dæmis þegar þú hefur notað greiðslukort eða komið við fleti sem margir snerta, svo sem hurðarhúna. Á vef landlæknis eru góðar upplýsingar um hvernig gæta má varúðar gegn sýkingum.

• Ef þú þarft að hósta eða hnerra skaltu nota olnbogabótina eða einnota klúta. Þannig kemurðu í veg fyrir að úði fari á hendur. Gættu þess að hósta eða hnerra ekki á aðra.
• Reyndu að bera ekki hendur upp að andlitinu, sérstaklega augum, nefi og munni.
• Ef þú ert eldri borgari eða með ákveðna undirliggjandi sjúkdóma er ráðlagt að halda sig fjarri mannamótum og fjöldasamkomum.

• Forðastu að umgangast fólk sem er með einkenni sem minna á flensu.
• Takmarkaðu náin samskipti við annað fólk, t.d. handabönd og faðmlög. Finndu aðrar leiðir til þess að heilsa, sem ekki fela í sér snertingu.
• Vinsamlegast hafðu tvo metra fjarlægð milli þín og annarra viðskiptavina annars vegar og þín og starfsmanna okkar hins vegar.
• Á meðan samkomubann er í gildi er mælst til að takmarka fjölda þeirra sem koma í verslunarferð hverju sinni.

Við sjáum ekki fyrir okkur að loka neinum verslunum að svo stöddu. Við metum þó aðstæður daglega og hliðrum til ef þarf. Réttan opnunartíma hvers dags má finna hér: https://elko.is/opnunartimar

Á meðan á samkomubanninu stendur munum við telja viðskiptavini sem fara inn og koma út úr verslununum og takmörkum þann fjölda viðskiptavina sem eru inn í verslununum í einu. Þar sem að einungis fáir komast að í einu þá væri frábært ef þeir sem ætla ekki að eiga viðskipti við okkur svo sem börn, vinir eða aðrir fjölskyldumeðlimir bíða í bílnum á meðan erindinu er sinnt. Við biðjum ykkur að afsaka þau óþægindi sem þetta kann að valda.

Við munum telja inn í verslanirnar og þegar hámarksfjöldanum er náð þá gildir reglan að þegar einn viðskiptavinur fer út, fer annar viðskiptavinur inn. Af þeirri ástæðu biðjum við um að aðeins einn úr hverri fjölskyldu komi í verslunina þegar það er hægt. Auðvitað eru allir velkomnir sem þurfa.

Við teljum ólíklegt að til þess komi og er það í forgangi hjá okkur að tryggja að við getum haldið áfram að koma vörum til viðskiptavina. Við vinnum þó eftir aðgerðaráætlun sem gerir ráð fyrir að mögulega þyrfti að stytta opnunartíma einhverra verslana. Ef erfitt reynist að manna verslanir mun öll áhersla verða lögð á viðskipti í gegnum ELKO.is.

Við treystum á að viðskiptavinir fylgi fyrirmælum Almannavarna. Til þess að minna viðskiptavini og starfsfólk á þessi fyrirmæli munum við setja upp merkingar í verslunum.

Við biðjum um að tilmæli séu virt sem sett eru af Almannavörnum og kveða á um 2 metra fjarlægð á milli fólks. Við munum setja upp merkingar í verslanir og við kassa sem minna á þessi tilmæli.

Við fylgjum öllum fyrirmælum frá almannavörnum og grípum til eigin ráðstafana til að lágmarka smithættu. Við höfum einangrað starfsstöðvar frá hvorum öðrum og takmarkað alla fundi utanhúss við fjarfundi. Við höfum hengt upp leiðbeiningar víðsvegar í starfsmannarýmum og erum í stöðugum samskiptum við fólkið okkar til að tryggja að við séum öll eins vel upplýst og kostur er á. Ef upp kemur grunur um einkenni eru starfsmenn sendir heim þar sem þeir fara í hefðbundið ferli hjá Landlækni.

Já, frá og með 4. maí er hægt að sækja vöru í vöruhúsið okkar.

Vöruafhendingar hafa ekki raskast ennþá og ber ekki á neinum vísbendingum um það. ELKO fær enn vikulegar sendingar erlendis frá og er í góðum samskiptum bæði við sína birgja og flutningsaðila um næstu daga og vikur. Þrátt fyrir takmarkanir á fólksflæði eru vöruflutningar ennþá í eðlilegum farvegi.

Það má búast við takmörkuðu úrvali á einhverjum vörum eins og frystitækjum og heimavinnubúnaði. Eins má búast við að vörur framleiddar í Kína verði sumar hverjar í takmörkuðu úrvali fram í apríl og þar má nefna sérstaklega iPhone. Áhrifa má einnig vænta fram á sumarið í sumum vöruflokkum þar sem íhlutir eru allmargir framleiddir í Kína og hefur skortur þaðan keðjuverkandi áhrif á verksmiðjur í Evrópu. Það er þó engin ástæða að örvænta þar sem markaðurinn verður fljótur að leiðrétta sig og hafa borist nú þegar fregnir að verksmiðjur hafa opnað aftur í Kína.

Þó að það gætu vissulega komið upp áskoranir við afhendingu pantana á þessum tímum þá eru allir okkar afhendingar- og sendingarmátar virkir og allar pantanir afgreiddar og afhentar eins og venjulega. Við fylgjumst þó mjög vel með stöðunni og eigum í góðum samskiptum við okkar þjónustuaðila og munum tilkynna breytingar ef þær verða og breyta upplýsingum á ELKO.is í takt við þær breytingar.

Við viljum að sjálfsögðu ekki leggja viðskiptavini okkar, bílstjóra eða vinnufélaga í smithættu. Þú getur óskað eftir því að fá vöruna og/eða pöntunina afhent fyrir utan útidyr, í bílskúr eða álíka, án þess að þú þurfir sérstaklega að koma út. Þú mátt endilega láta vita við kaupin ef viðtakandi er veik(ur) og/eða í sóttkví eða hafa samband við þjónustuverið okkar með því að senda okkur tölvupóst (elko@elko.is), spjallað við okkur á netspjallinu á ELKO.is eða hringt í síma 575-8115. Bílstjórar okkar munu ekki biðja um undirskrift en munu staðfesta að sending hafi átt sér stað, e.t.v. með því að taka mynd af vörunum við afhendingarstað. Þú getur líka óskað eftir því að fá vörurnar afhentar síðar í samráði við okkur.

Já, þú getur frestað heimsendingunni til þín. Þú getur haft samband við þjónustuverið okkar með því að senda okkur tölvupóst (elko@elko.is), spjallað við okkur á netspjallinu á ELKO.is eða hringt í síma 575-8115.