Ég rakst á þessa uppskrift hjá Ninjakitchen og mátti til að deila henni með ykkur. Tilvalin fyrir okkur sem langar í sætan bita í notalegu haustveðri.

Það tekur um klukkustund að gera hana og uppskriftin er fyrir 4.

Það sem þú þarft:

Botninn

• 100g glútein fríir hafrar
• 65g brúnt rísmjöl
• 35g kakó
• 2 msk möndlumjólk
• 40ml hlynsýróp
• 50g fljótandi kókosolía
• 40g tahini (sesam paste)

Fylling

• 100g steinlausar döðlur
• 1/2 tsk vanillu extract
• 4 msk möndlusmjör
• saltklípa

Toppurinn

• 75gr bráðin kókosolía eða kakósmjör
• 30ml hlynsýróp
• 1/2 tsk vanillu extract
• saltklípa
• 30g kakó
• 2 msk möndlumjólk

Til skrauts, ef vill

• kakóknibbur
• kókosflögur
• það sem hugmyndaflugið hefur býður þér upp á

Aðferð

1. Saxaðu hafrana í blandaranum þar til þeir verða að mjöli.
2. Settu haframjölið í skál með restinni af hráefnunum fyrir botninn.
3. Hrærðu aðeins og blandaðu svo betur saman með hreinum höndum.
4. Taktu nú 4 lítil tartalettuform og settu smjörpappír í botninn.
5. Skiptu deiginu í 4 parta og pressaðu þeim svo í hvert form
6. Settu nú í frysti í 30 mín.
7. Fyrir fyllinguna, settu öll hráefnin í blandarann og blandaðu þar til þú færð þykka karamellu (þú þarft eflaust að skafa með hliðunum annað slagið).
8. Settu fyllinguna í tartaletturnar og losaðu þær varlega úr mótunum.
9. Settu þær aftur í fyrstinn.
10. Blandaðu nú saman öllum hráefnunum fyrir toppinn og leyfðu því að hvíla í 5 mínútur.
11. Smyrðu nú toppnum á tartaletturnar.
12. Skreyttu að vild.

Njóttu!